کراچی کے علاقے لیاری میں دو گروپوں میں مسلح تصادم 3 افراد جاں بحق

جاں بحق افراد ممکنہ طور پر دونوں گروپ کے کارندے بھی ہوسکتے ہیں،پولیس، فوٹو: فائل

---

لیاری کے علاقے ریکسر لائن میں 2 گروپوں کے درمیان مسلح تصادم کے نتیجے میں 3 افراد جاں بحق ہوگئے۔

ایکسپریس نیوز کےمطابق کراچی کے علاقے لیاری کے ریکسرلائن میں 2 گروپوں کے درمیان مسلح تصادم ہوا جس میں دونوں جانب سے ایک دوسرے پر مورچہ بند فائرنگ کی گئی جس کے نتیجے میں 3 افراد ہلاک ہوگئے جب کہ علاقے میں تصادم کے نتیجے کشیدگی برقرار ہے۔

پولیس نے فائرنگ سے جاں بحق افراد کی لاشوں کو سول اسپتال منتقل کردیا ہے جب کہ پولیس کا کہنا ہےکہ جاں بحق افراد ممکنہ طور پر دونوں گروپ کے کارندے بھی ہوسکتے ہیں، مسلح تصادم کے بعد پولیس اور رینجرز نے علاقے کو گھیرے میں لے کر کارروائی شروع کردی۔