مطمئن پاکستانی امریکیوں سے آگے

انسانی مسرتوں اورانتہائی تلخ وشدید معاشی ونفسیاتی دباؤ کےباوجود پاکستانیوں کی خوشی اوربےفکری کا یہ عالم خوش آئند ہے۔

Editorial January 16, 2015

دہشتگردی کے خلاف جنگ میں سب سے زیادہ نقصان اٹھانے والے پاکستان کے رہنے والے امریکا اور روس کی نسبت زیادہ مطمئن اور خوش ہیں، فوٹو : فائل

دہشتگردی کے خلاف جنگ میں سب سے زیادہ نقصان اٹھانے والے پاکستان کے رہنے والے امریکا اور روس کی نسبت زیادہ مطمئن اور خوش ہیں۔ یہ دلچسپ اور غیر معمولی انکشاف ''ورلڈ اکنامک فورم'' کی ویب سائٹ پر شائع ایک جائزہ رپورٹ میں کیا گیا ہے۔ اس میں پاکستان کا 16 واں نمبر ہے جہاں لوگوں کی خوشی اور اطمینان کی سطح 54فیصد ہے۔ انسانی مسرتوں اور انتہائی تلخ و شدید معاشی و نفسیاتی دباؤ کے باوجود پاکستانیوں کی خوشی اور بے فکری کا یہ عالم خوش آئند ہے۔

تاہم تفکرات سے آزاد یہ ذہنی کیفیت کسی سماجی یا سیاسی اور جمہوری نظام کی برکتوں سے زیادہ اس صبر و شکر کے زمرے میں آتا ہے جو اسلام کی بنیادی تعلیم سے متصف ہے، ورنہ جس قدر آلام و مصائب اور آفات و تباہ کاریوں کا سامنا اہل وطن کو کرنا پڑا ہے اسے لفظوں میں بیان نہیں کیا جا سکتا۔ تاہم سروے سے یہ حقیقت واضح ہوتی ہے کہ تحمل و برداشت اور قناعت و تشکر کا تہذیبی اور دینی اثاثہ عوام نے اپنے حال میں مست ہوتے ہوئے برقرار رکھا ہے۔ پاکستان میں بیروزگاری، بدامنی اور دہشت گردی کے عوامل کسی بھی معاشرے اور اس کے رہنے والوں کا امن و سکون برباد کر سکتے ہیں، مگر اس فورم کے عالمی جائزہ کے تحت کہ دنیا بھر کے لوگوں کے خوش رہنے کی سطح کیا ہے پاکستانیوں کی زندہ دلی کو دنیا پر آشکار کیا ہے۔movehub ویب سائٹ پر ''ہیپی پلینٹ انڈیکس'' کے نام سے جاری کردہ رپورٹ میں151 ملکوں کا جائزہ لیا گیا ہے۔ رپورٹ میں انتہائی سرخ نشان انتہائی خوش ملک کو ظاہر کرتا ہے اور سب سے زیادہ سبز نشان خوشحالی اور خوشیوں کی علامت ہے۔

رپورٹ کے مطابق وسطی امریکا میں مقیم لوگ اپنے اردگرد کے ماحول سے انتہائی خوش ہیں۔ اس ''ہیپی انڈیکس'' میں کوسٹاریکا، ویتنام اور کولمبیا بھی شامل ہیں، امریکا کا نمبر105 واں ہے جہاں عوامی اطمینان اور خوشی کی سطح صرف37 فیصد ہے، یعنی اس اعتبار سے پاکستان نے امریکا پر سبقت حاصل کر لی ہے۔ اسی طرح روس میں یہ سطح34 فیصد اور اس کا نمبر122 واں ہے۔ بھارت اس فہرست میں 32 ویں نمبر پر ہے جہاں لوگوں کے خوش رہنے کی سطح50 فیصد ہے۔ رپورٹ کے مختلف پہلوؤں کا جائزہ لینے بعد ایک اطمینان بخش نتیجہ یہ سامنے آتا ہے کہ دنیا کو مادہ پرستی نے جھنجوڑ کر رکھ دیا ہے، اقتصادی اور سیاسی مسائل اور نظام حیات میں مضمر بے چینی اور عدم اطمینان خواہشات کی بے لگامی کا نتیجہ ہیں، اور ایسی صورتحال میں پاکستانیوں کا اپنے وطن میں خوش اور مطمئن ہونا ایک خوشخبری ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مطمئن پاکستانی امریکیوں سے آگے

انٹرٹینمنٹ

’غدر2‘ پر امیشا پٹیل کے تازہ انکشاف نے سوشل میڈیا پر تہلکہ مچادیا

’دھوم‘سیریز کے مداحوں کیلئے خوشخبری، رنبیر کپور دھوم مچانے کو تیار

کرن جوہر کس کو ڈیٹ کررہے ہیں؟ فلمساز کا انوکھا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین

مطمئن پاکستانی امریکیوں سے آگے

ہمارے ساتھ شامل ہوں

مقبول خبریں

انٹرٹینمنٹ

’غدر2‘ پر امیشا پٹیل کے تازہ انکشاف نے سوشل میڈیا پر تہلکہ مچادیا

’دھوم‘سیریز کے مداحوں کیلئے خوشخبری، رنبیر کپور دھوم مچانے کو تیار

کرن جوہر کس کو ڈیٹ کررہے ہیں؟ فلمساز کا انوکھا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین