ISLAMABAD: وفاقی دارالحکومت میں لاؤڈ اسپیکر کے استعمال پر مولانا عبدالعزیز سمیت 11 علما کے خلاف مقدمہ درج کرلیا گیا ہے۔

ایکسپریس نیوز کے مطابق اسلام آباد میں لاؤڈ اسپیکر کے استعمال پر لال مسجد کے خطیب مولانا عبدالعزیز سمیت 11 علما کے خلاف مقدمہ درج کیا گیا ہے۔ پولیس کے مطابق جمعہ کے خطبات میں لاؤڈ اسپیکر کے غلط استعمال پر مقدمات تھانہ آب پارہ اور آئی نائن میں اسپیکر ایکٹ کے تحت درج کیے گئے ہیں۔