شیخوپورہ میں مکان کی چھت گرنے سے ماں اور دو بچے جاں بحق
حادثے میں جاں بحق بچوں کی عمریں بالترتیب 8 اور 6 سال ہیں
لاشوں کو لواحقین کے حوالے کردیا گیا ہے فوٹو: فائل
KARACHI:
نواحی گاؤں مدوالہ میں مکان کی چھت گرنے سے ماں اور دو بچے جاں بحق ہوگئے۔
ایکسپریس نیوز کے مطابق شیخوپورہ کے نواحی گاؤں مد والہ میں نذیر نامی شخص اپنے اہل خانہ کے ہمراہ سو رہا تھا کہ اس کے بوسیدہ مکان کی چھت گر گئی، حادثے کے نتیجے میں نذیر کی بیوی نازیہ بی بی، 8 سالہ بیٹی رمشا اور 6 سالہ بیٹا حسنین جاں بحق ہوگئے۔
واقعے کی اطلاع ملتے ہی مقامی افراد اور ریسکیو رضاکاروں نے ملبے سے لاشیں نکال کر ڈی ایچ کیو اسپتال شیخوپورہ منتقل کردیں، جہاں ضابطے کی کارروائی کے بعد لاشوں کو نذیر کے حوالے کردیا گیا۔
نواحی گاؤں مدوالہ میں مکان کی چھت گرنے سے ماں اور دو بچے جاں بحق ہوگئے۔
ایکسپریس نیوز کے مطابق شیخوپورہ کے نواحی گاؤں مد والہ میں نذیر نامی شخص اپنے اہل خانہ کے ہمراہ سو رہا تھا کہ اس کے بوسیدہ مکان کی چھت گر گئی، حادثے کے نتیجے میں نذیر کی بیوی نازیہ بی بی، 8 سالہ بیٹی رمشا اور 6 سالہ بیٹا حسنین جاں بحق ہوگئے۔
واقعے کی اطلاع ملتے ہی مقامی افراد اور ریسکیو رضاکاروں نے ملبے سے لاشیں نکال کر ڈی ایچ کیو اسپتال شیخوپورہ منتقل کردیں، جہاں ضابطے کی کارروائی کے بعد لاشوں کو نذیر کے حوالے کردیا گیا۔