جی ٹی روڈ پر 2 مسافر گاڑیوں کے درمیان تصادم کے نتیجے میں 8 افراد جاں بحق جبکہ 10 زخمی ہوگئے۔

ایکسپریس نیوز کے مطابق کرک میں داؤد شاہ چوک کے قریب زاڑہ کندہ کے مقام پر جی ٹی روڈ پر پشاور جانے والی وین سڑک پر پھسلن کی وجہ سے مقامی بس اڈے سے نکلنے والی وین سے آپس میں ٹکرا گئی۔ حادثے کے نتیجے میں 6 افراد جاں بحق جبکہ 12 زخمی ہو گئے۔

زخمیوں کو بانڈہ داؤد شاہ اسپتال منتقل کر دیا گیا جہاں مزید 2 زخمی دم توڑ گئے۔ زخمیوں میں سے مزید کئی کی حالت تشویشناک ہے جس کی وجہ سے حاں بحق ہونے والوں کی تعداد میں اضافے کا خدشہ ہے.