کراچی کے مختلف علاقوں سے 3 لاشیں برآمد پرتشدد واقعات میں ہلاکتوں کی تعداد 4 ہوگئی

پولیس اور رینجرز کے آپریشن کے باوجود کراچی میں ٹارگٹ کلنگ کا سلسلہ ایک مرتبہ پھر تیز ہوگیا ہے۔ فوٹو: فائل

---

شہر قائد کے مختلف علاقوں سے ایک گھنٹے کے دوران 3 لاشیں ملی ہیں جس کے بعد آج مختلف پرتشدد واقعات میں زندگی کی بازی ہارنے والوں کی تعداد 4 ہوگئی ہے۔

ایکسپریس نیوز کے مطابق کراچی کے علاقے گارڈن ، لیاری اور بھینس کالونی 3 افراد کی لاشیں ملی ہیں جنہیں شناخت اور دیگر قانونی کارروائی کے لئے قریبی اسپتال منتقل کردیا گیا ہے، جس کے بعد آج شہر میں اب تک فائرنگ اور دیگر پرتشدد واقعات میں جاں بحق ہونے والوں کی تعداد 4 ہوگئی ہے۔

دوسری جانب رینجرز نے ملیر میں کارروائی کرتے ہوئے جرائم کی سنگین وارداتوں میں ملوث 7 ملزمان کو گرفتار کرکے ان کے قبضے سے اسلحہ اور منشیات برآمد کرلی ہے۔