کراچی ایئرپورٹ پر پی آئی اے کے زیرانتظام ہوٹل میں 2 مسافرخواتین کی پراسرارموت
مسافرخواتین اہل خانہ کے ساتھ عمرہ کی ادائیگی کے بعد کل جدہ سے کراچی پہنچی تھیں جنہیں لاہور اور پشاور جانا تھا۔
مسافرخواتین اہل خانہ کے ساتھ عمرہ کی ادائیگی کے بعد کل جدہ سے کراچی پہنچی تھیں جنہیں لاہور اور پشاور جانا تھا۔ فوٹو:فائل
پی آئی آے کے زیر انتظام ایئرپورٹ ہوٹل میں عمرہ کی ادائیگی کے بعد کراچی پہنچنے والی 2 خواتین پراسرار طور پر مردہ حالت میں پائی گئیں۔
ایکسپریس نیوز کے مطابق عمرہ کی ادائیگی کے بعد رات گئے کراچی ایئرپورٹ پہنچنے والی 2 خواتین پی آئی اے کے زیر انتظام ہوٹل میں مردہ پائی گئیں، مسافر خواتین اہل خانہ کے ساتھ کل جدہ سے کراچی پہنچی تھیں جنہیں لاہور اور پشاور جانا تھا۔
ترجمان پی آئی اے کے مطابق مردہ پائی گئی خواتین کی شناخت اختر بی بی اور گل حسینی افروز کے نام سے ہوئی ہے جب کہ اختر بی بی لاہور اور گل حسینی افروز کا تعلق پشاور سے تھا جنہیں آج اپنی منزل کی جانب روانہ ہونا تھا تاہم خواتین کی ہلاکت سے متعلق تحقیقات کی جارہی ہیں۔