بینکوں کا عملہ اور اسٹورز ملازمین گروہ میں شامل ہیں

ملزمان انتہائی منظم ہیں،برانڈڈ شاپس کے کیشیئرز بھی شامل ہیں،انسپکٹر منیر۔ فوٹو: فائل

---

ملزمان کا گروہ انتہائی منظم ہے جس میں مختلف بینکوں کا عملہ اور ڈپارٹمنٹل اسٹورز کے ملازمین بھی شامل ہیں ۔

یہ بات ایس آئی یو کے انسپکٹر منیر نے ایکسپریس کو بتائی ، انھوں نے بتایا کہ ملزمان کا گروہ انتہائی منظم ہے ، ملزمان کے گروہ میں مختلف ڈپارٹمنٹل اسٹورز ، شاپنگ سینٹروں میں قائم برانڈڈ شاپس کے کیشیئر بھی شامل ہیں جبکہ مختلف بینکوں کے ملازمین بھی گروہ کا حصہ ہیں ، انسپکٹر منیر کا کہنا تھا کہ تحقیقات کا دائرہ وسیع کردیا گیا ہے ۔

متعدد مرتبہ کریڈٹ کارڈ چارج بھی نہیں ہوتے تھے جس پر ملزمان مختلف حیلے بہانے بنا کر شاپنگ سینٹروں سے نکل جاتے تھے ، انھوں نے مزید بتایا کہ ملزمان کے دیگر ساتھیوں کی گرفتاری کے لیے بھی اقدامات کیے جارہے ہیں اور جلد ہی انھیں گرفتار کرلیا جائے گا۔