بلاول بھٹو زرداری مسلم لیگ ن میں شامل ہونے والے ہیں ارباب غلام رحیم

سندھ اسمبلی میں مسلم لیگ فنکشنل اور متحدہ قومی موومنٹ کا موقف ایک ہی ہوگا,ارباب غلام رحیم فوٹو: فائل

---

لاہور: سابق وزیر اعلیٰ سندھ ارباب غلام رحیم کہتے ہیں کہ بلاول بھٹو زرداری جلد ہی مسلم لیگ ن میں شامل ہوجائیں گے۔

سندھ اسمبلی کے باہر میڈیا سے بات کرتے ہوئے سابق وزیر اعلیٰ کا کہنا تھا کہ پیر پگارا نے پاکستان پیپلز پارٹی کے چیرمین بلاول بھٹو زرداری کی مسلم لیگ (ن) میں شمولیت کی پیش گوئی کی تھی جو اب سچ ثابت ہونے والی ہے۔ بلاول جلد ہی مسلم لیگ (ن) میں شامل ہوجائیں گے۔

ارباب غلام رحیم کا کہنا تھا کہ سندھ اسمبلی میں صوبے کے مفاد کے لئے مسلم لیگ فنکشنل اور متحدہ قومی موومنٹ سمیت تمام اپوزیشن جماعتوں کا موقف ایک ہی ہوگا۔