شمالی وزیرستان میں فضائی کارروائی کے دوران 53 دہشت گرد ہلاک آئی ایس پی آر

فضائی کارروائی میں اسلحے کے بڑے ذخیرے سمیت دھماکا خیز مواد سے بھری 7 گاڑیوں کو بھی تباہ کردیا گیا۔ فوٹو: فائل

---

KARACHI: شمالی وزیرستان میں جیٹ طیاروں کی بمباری سے 53 دہشت گرد ہلاک ہوگئے جب کہ ان کے کئی ٹھکانوں کو بھی تباہ کردیا گیا۔

ترجمان پاک فوج کے مطابق شمالی وزیرستان میں آپریشن ''ضرب عضب'' کامیابی سے جاری ہے اور آج شام جیٹ طیاروں نے دتہ خیل میں دہشت گردوں کے ٹھکانوں پر بمباری کی جس میں غیر ملکیوں سمیت 53 دہشت گرد مارے گئے جب کہ کارروائی میں دہشت گردوں کے 6 ٹھکانے اور اسلحہ کے بڑے ذخیرے سمیت دھماکا خیز مواد سے بھری 7 گاڑیوں کو بھی تباہ کردیا گیا۔