خلائی تحقیق کے امریکی ادارے (ناسا) کی کیپلرخلائی دوربین کی مددسے زمین کے سائزکا سیارہ دریافت کرلیاگیا۔

ذرائع ابلاغ کی رپورٹس کے مطابق یہ نیا سیارہ ہماری کہکشاں کے قریب ایسے زون میں اپنے مدارکے گردگردش کررہاہے جس میں زندگی کے لیے سازگار حالات موجود ہیں۔ اس نئے سیارے کو کیپلر 186 ایف کانام دیاگیاہے۔کیپلر 186 ایف اپنے ستارے کے گردمدارمیں ہر130دن میں ایک چکر لگاتا ہے۔ نئے سیارے کی دریافت بہت اہم کامیابی ہے کیونکہ اس سے قبل جتنے سیارے دریافت کیے گئے ہیں وہ سائز میں زمین سے تقریباً 40 فیصد بڑے تھے۔