نیشنل ہائی وے کے قریب نواب گوٹھ میں پولیس مقابلے کے دوران 5 دہشتگرد ہلاک ہوگئے۔
ایس ایس ملیر نے ایکسپریس نیوز سے خصوصی بات کرتے ہوئے بتایا کہ نواب گوٹھ میں دہشت گردوں کی موجودگی کی خفیہ اطلاع پر ان کے خلاف کارروائی کی گئی اور آپریشن میں 500 سے زائد پولیس اہلکاروں اور کمانڈوز نے حصہ لیا۔ ان کا کہنا تھا کہ پولیس کی گاڑیاں جیسے ہی علاقے میں داخل ہوئیں تو ملزمان نے دستی بم سے حملہ اورفائرنگ شروع کردی تاہم پولیس کی جوابی کارروائی میں پانچوں دہشت گرد مارے گئے۔
راؤ انوار کا کہنا تھا کہ ہلاک ہونے والے دہشت گردوں کا تعلق کالعدم جماعت سے ہے جن کے قبضے سے دستی بم، ٹی ٹی پستول اور گولیاں بھی برآمد کی گئیں۔