صدارتی انتخابات کیلئے ڈینور میں صدر اوباما اور رومنی کے درمیان مباحثوں کا سلسلہ شروع ہو گیا۔
امریکا میں صدارتی انتخابات کیلئے صدر اوباما اور رومنی کے درمیان ڈینور میں پہلا مباحثہ ہوا جس میں ایک دوسرے کی پالیسیوں پر شدید تنقید کی گئی، رومنی نے معیشت کی بہتری کیلئے پانچ نکاتی منصوبہ پیش کردیا، انہوں نے روزگار کو اولین ترجیح قرار دیتے ہوئے کہا کہ امریکا میں 40 لاکھ نئی ملازمتیں نکالیں گے، ان کا کہنا تھا کہ عوام کیلئے چھوٹے کاروبار کے مواقع پیدا کئے جائیں گے۔
امریکا کے صدارتی انتخاب سے 34 دن قبل صدر براک اوباما اور ان کے حریف ریپبلکن امیدوار مٹ رومنی نے پہلے صدارتی مباحثے میں حصہ لیا، براک اوباما کا کہنا تھا کہ ٹیکس کی شرح کم کرنا چاہتے ہیں، امریکا میں معیشت بہتری کی طرف جا رہی ہے، انہوں نے مزید کہا کہ ہم نے تعلیمی نظام کو بہتر بنایا ہے۔