SUKKUR:
وزیر اعلیٰ پنجاب شہباز شریف نے کہا ہے کہ تعلیم، صحت، امن عامہ اور دیگر سماجی شعبوں میں بہتری کے لئے ضروری اصلاحات کی جارہی ہیں۔
لاہور میں وزیر اعلیٰ شہباز شریف کی زیر صدارت اعلیٰ سطحی اجلاس ہوا جس میں صوبے میں سیکیورٹی صورتحال سمیت مختلف معاملات زیر غور آئے جب کہ مختلف محکموں کے اعلیٰ افسران نے وزیر اعلیٰ کو کارکردگی کے حوالے سے بریفنگ دی۔
اجلاس سے خطاب کرتے ہوئے شہباز شریف نے کہا کہ تمام محکموں اور اداروں میں جزا اور سزا کا نظام انتہائی ضروری ہے اس لئے تعلیم، صحت عامہ اور دیگر سماجی شعبوں کے حوالے سے ہر ضلع کی کارکردگی کی باقاعدگی سے مانٹیرنگ ہوگی۔ ان کا کہنا تھا کہ اچھی کارکردگی والے اضلاع کے افسران اور عملے کی بھرپور حوصلہ افزائی کی جائے گی جب کہ خراب کارکردگی پر باز پرس اور احتساب ہوگا۔