ملتان میں دوران تقریب مولانا عبد المجید لدھیانوی دل کا دورہ پڑنے سے جاں بحق

دل کا دورہ پڑنے کے بعد مولانا عبد المجید کو نشتر اسپتال لے جارہا تھا کہ وہ اسی دوران راستے میں دم توڑ گئے۔ فوٹو: آن لائن

---

وفاق المدارس کی تقریب کے دوران ممتاز عالم دین مولانا عبد المجید لدھیانوی اچانک دل کا دورہ پڑنے سے انتقال کر گئے۔

ایکسپریس نیوز کے مطابق ملتان میں وفاق المدارس کے زیر انتظام چلنے والے مدارس کی تقریب جاری تھی کہ اسی دوران عالم دین اور مدرسہ باب العلوم کہروڑ پکا کے مہتمم مولانا عبد المجید لدھیانوی کو اچانک دل کا دورہ پڑا، تقریب کے منتظمین انہیں اسپتال لے جارہے تھے تاہم وہ راستے میں ہی دم توڑگئے، مولانا عبد المجید کے انتقال کی خبر کے بعد تقریب میں ان کے لئے دعائے مغفرت کرائی گئی جس کے بعد تقریب کو مختصر کرکے ختم کردیا گیا۔