بالی ووڈ نگری میں تیزی سے ترقی کی سیڑھیاں چڑھنے والے پاکستانی اداکار فواد خان اب ایشوریہ رائے کے ساتھ رومانس کرتے دکھائی دیں گے۔
حال ہی میں بالی ووڈ کے سب سے بڑے فلم فیئرایوارڈ حاصل کرنے والے فواد خان ان دنوں بھارتی ہدایت کاروں کی آنکھوں کا تارا بنے ہوئے ہیں اور اپنی پہلی فلم ''خوبصورت'' میں فنکارانہ صلاحیتوں کے جوہر دکھانے کے بعد اب تک 5 فلمیں سائن کر چکے ہیں اور اب وہ کرن جوہر کی فلم '' اے دل ہے مشکل'' میں امیتابھ بچن کی بہو ایشوریہ رائے بچن کے ساتھ رومانس کرتے نظر آئیں گے۔
بھارتی میڈیا کے مطابق فلم ''خوبصورت'' میں دل کو چھو لینے والی اداکاری کی بدولت بالی ووڈ کے ہدایتکار فواد خان کو اپنی فلموں میں کاسٹ کرنے کے لئے بے تاب نظر آتے ہیں اور یہی وجہ ہے کہ معروف ہدایتکار کرن جوہر نے اپنی فلم میں فواد خان اور ایشوریہ بچن کی جوڑی کا انتخاب کیا ہے جب کہ اس سے قبل وہ اس فلم میں رنبیرکپوراورانوشکا شرما کو کاسٹ کرنا چاہتے تھے۔
کرن جوہر کے مطابق فلم ''اے دل ہے مشکل'' کی کہانی مضبوط رشتے کے گرد گھومتی ہے اوراس کی شوٹنگ نیویارک، پیرس اور نئی دہلی میں کی جائے گی۔