بالی ووڈ کے بگ بی امیتابھ بچن پاک بھارت کرکٹ میچ کی کمنٹری کریں گے

پاکستان اور بھارت کے میچ کی مقبولیت کو فلم کی تشہیر کے لئے استعمال کرنے کا یہ اچھا طریقہ ہے، فلم پروڈکشن ٹیم فوٹو: فائل

---

بالی ووڈ میں شہرت کی بلندیوں کو چھونے اور بھارتی فلم نگری میں بگ بی کے نام سے مشہور امیتابھ بچن اب اداکاری کے علاوہ کرکٹ میچ کی کمنٹری کرتے بھی دکھائی دیں گے۔

برطانوی نشریاتی ادارے کے مطابق بالی ووڈ کے سپر اسٹار امیتابھ بچن نے پاکستان اور بھارت کے درمیان 15 فروری کو کھیلے جانے والے کرکٹ ورلڈ کپ کے میچ میں اپنی نئی فلم ''شمیتابھ'' کی تشہیر کے لئے براہ راست کمنٹری کرنے کا فیصلہ کیا ہے اور وہ اس ہائی وولٹیج میچ میں سابق پاکستانی فاسٹ بولر شعیب اختر اور سابق بھارتی بلے باز کپل دیو کے ساتھ چٹ پٹی کمنٹری کریں گے۔

فلم کی پروڈکشن ٹیم کا کہنا ہے کہ پاک بھارت میچ کی مقبولیت کو فلم کی تشہیر کے لیے استعمال کرنے کا یہ اچھا موقع ہے جس سے خود امیتابھ بھی بے حد خوش ہیں۔