فلم ’’ہوٹل‘‘ میں بہترین اداکارہ کا ایوارڈ ملنا بڑا عزاز ہے میرا

فلم اسٹار میرا کا کہنا ہے کہ دہلی ہونے والے انٹرنیشنل فلم فیسٹول میں پاکستانی فلم ''ہوٹل '' میں مجھے بہترین اداکارہ اور اس فلم کے ڈائریکٹر خالد حسن خان کو ایوارڈ ملنا ہمارے ملک کی فلم انڈسٹری کے لیے بہت بڑا اعزاز ہے۔


یہ بات انہوں نے کراچی پریس کلب میں پریس کانفرنس کے دوران کہی۔ ان کا کہنا تھا کہ اچھی اور معیاری فلمیں بنیں گی تو فلم انڈسٹری ترقی کرے گی، میری فلم '' دیوداس'' پانچ سال بعد ریلیز ہورہی ہے ۔ اداکارہ میرا نے شادی کے سوال پر کہا کہ اب میرے پاس شادی کا وقت نہیں ہے جب کروں گی تو سب کو بتاؤں گی، عمران خان نے تو شادی کرلی میں نے تو ان سے از راہ مذاق یہ بات کہی تھی۔ فلم ''ہوٹل '' کے ڈائریکٹر خالد حسن خان نے کہا کہ آئٹم سانگ نہیں چاہتا تھا لیکن تقسیم کار کے کہنے پر مشہور اداکارہ جیسمین سیٹ لارنس کا ایک آئٹم سونگ شامل کیا ہے جب کہ فلم مارچ میں ریلیز ہو گی۔