تہکال میں گاڑی پر نامعلوم افراد کی فائرنگ سے 4 افراد جاں بحق جبکہ 2 زخمی ہوگئے۔
ایکسپریس نیوز کے مطابق پشاور کے علاقے تہکال میں نامعلوم افراد ایک گاڑی پر فائرنگ کرکے فرار ہوگئے، فائرنگ کے نتیجے میں گاڑی میں سوار 4 افراد موقع پر ہی جاں بحق جبکہ 2 زخمی ہوگئے۔ لاشوں اور زخمیوں کو قریبی اسپتال منتقل کردیا گیا ہے۔
پولیس نے واقعہ کے بعد موقع پر پہنچ کر مزید تفتیش شروع کردی تاہم پولیس کا کہنا ہے کہ ابتدائی شواہد سے فائرنگ کا واقعہ ذاتی دشمنی کا نتیجہ معلوم ہوتی ہے۔