آرمی چیف جنرل راحیل شریف نے 28 بریگیڈیئرز کو میجر جنرل کے عہدوں پر ترقی دے دی جب کہ ترقی پانے والوں میں آرمی میڈیکل کور کے 7 ڈاکٹرز بھی شامل ہیں۔
پاک فوج کے شعبہ تعلقات عامہ ( آئی ایس پی آر) کے مطابق آرمی چیف جنرل راحیل شریف کی زیر صدارت جی ایچ کیو میں پروموشن بورڈ کا اجلاس ہوا جس میں پاک فوج کے 28 بریگیڈیئرز کو میجر جنرل کے عہدوں پر ترقری دینے کی منظوری دی گئی۔ ترقی پانے والوں میں آرمی میڈیکل کور کے 7 ڈاکٹرز بھی شامل ہیں جب کہ انفنٹری بریگیڈ سیالکوٹ کے کمانڈنگ بریگیڈیئرساحرشمشاد مرزا کو بھی میجر جنرل کے عہدے پر ترقی دی گئی ۔
آرمی چیف کی جانب سے میجر جنرل کے عہدوں پر ترقی پانے والے دیگر بریگیڈیئرز میں ندیم ذکی،شاہین مظہر، محمد عامر، شاہد پرویز، بریگیڈیئر نادرخان ، منظور احمد ،ارشد محمود، محمد عامر، حفیظ الرحمان،وسیم اشرف، محمد کلیم، سردار طارق، طاہر مسعود، اظہر عباس، چراغ حیدر، انیس اکبر ،محمد کلیم، باسط رضا، محمد عدنان ، وسیم اشرف، نعمان مسعود، فیض حامد، زاہد حامد، نعیم نقی، ظفر اقبال شامل ہیں۔