لاریب اغوا کیس میں گینگ کا ماسٹر مائنڈ کراچی سے گرفتار

لاریب کو 26 جنوری کو کراچی کے علاقے گبول ٹاؤن سے بازیاب کرایا گیا تھا، ایس ایس پی اے وی سی سی، فوٹو:فائل

---

پولیس اورسی پی ایل سی نے مشترکہ کارروائی کرکے لاریب اغوا کیس میں گینگ کے ماسٹر مائنڈ کو گرفتار کرلیا۔

ایس ایس پی اینٹی وائلنٹ کرائم سیل پیر فرید جان سرہندی نے بتایا کہ لاریب کو 26 جنوری کو کراچی کے علاقے گبول ٹاؤن سے بازیاب کرایا گیا تھا جب کہ اب گینگ کے ماسٹر مائنڈ رحمت گل کو آج سی پی ایل سی کے ساتھ مشترکہ کارروائی کرکے گرفتار کرلیا گیا ہے۔ ایس ایس پی نے مزید بتایا کہ ملزم کے قبضے سے مغویوں کے والٹس اور دیگر سامان بھی برآمد کیا گیا ہے۔

واضح رہے کہ رینجرز نے لاریب اغوا کیس میں 27 جنوری کی صبح سی پی ایل سی کے چیف احمد چنائے کے گھر پر چھاپہ مارا تھا جس میں ان کے گھر سے سے مغوی کی والدہ اور 15 لاکھ روپے برآمد کرنے کا دعویٰ کیا گیا تھا لیکن احمد چنائے کی جانب سے رینجرز کے چھاپے کی تردید کی گئی تھی۔