کیریبئن کرکٹ لیگ شاہد آفریدی ڈیڑھ اور شعیب ملک ایک لاکھ ڈالر میں فروخت

شاہد آفریدی اور شعیب ملک کے علاوہ سہیل تنویر اور کامران اکمل بھی پریمئر لیگ کا حصہ بنیں گے، فوٹو: فائل

---

کریبیئن پریمئر لیگ 2015 کے لئے کھلاڑیوں کی نیلامی کردی گئی جس میں پاکستان کرکٹ ٹیم کے مایہ ناز آل راؤنڈر شاہد آفریدی ڈیڑھ لاکھ، شعیب ملک ایک لاکھ، سہیل تنویر 80 ہزار جب کہ کامران اکمل 30 ہزار ڈالرز میں فروخت ہوئے۔

کیریبئن پریمئر لیگ کے لئے کھلاڑیوں کی نیلامی کی تقریب جمیکا میں ہوئی جس میں 6 فرنچائز ٹیموں کی انتظامیہ نے حصہ لیا، شاہد آفریدی کو لیگ کی ٹاپ کیٹیگری میں رکھا گیا ہے جنہیں نئی فرنچائز سینٹ کٹس اینڈ نیوس (St Kitts and Nevis)نے ڈیڑھ لاکھ ڈالرز میں خریدا جب کہ سہیل تنویر 80 ہزار ڈالرز میں اسی ٹیم کا حصہ بنے، شعیب ملک کوبارباڈوس ٹریڈینٹس( Barbados Tridents) نے ایک لاکھ ڈالرز میں خریدا جب کہ کامران اکمل 30 ہزار ڈالرز میں ٹرینیڈیڈ اینڈ ٹوبیگو ریڈ(Trinidad & Tobago Red Steel) کا حصہ بنے۔

کیریبئن لیگ کے لئے شاہد آفریدی کے علاوہ کیرون پولارڈ، سنیل نرائن، کرس گیل، ڈیرن سیمی اور ڈیوائن براوو بھی ڈیڑھ، ڈیڑھ لاکھ ڈالرز میں فروخت ہوئے جب کہ جیکس کیلس، روس ٹیلر، مہیلا جے وردھنے، لستھ ملنگا اور مارلن سیمیولز کو ایک، ایک لاکھ ڈالرز میں خریدا گیا،دیگر ملکی اور غیر ملکی کھلاڑی اس سے کم قیمت میں فروخت ہوئے۔