پیپلزپارٹی نے سینیٹ انتخابات کے لئے امیدواروں کے ناموں کا اعلان کردیا جس میں سابق سینیٹر رحمان ملک بھی شامل ہیں۔
کراچی میں پریس کانفرنس کے دوران رہنما پیپلزپارٹی راجا پرویز اشرف نے سندھ، خیبرپختونخوا اور پنجاب سے منتخب کردہ امیدواروں کے ناموں کا اعلان کیا۔ ٹیکنوکریٹ کی نشست پر فاروق ایچ نائیک، خواتین کی مخصوص نشست پر سسی پلیجو کو امیدوار چنا گیا ہے جبکہ سندھ سے جنرل نشستوں پر رحمان ملک، سلیم مانڈوی والا، اسلام الدین شیخ، انجینئر گیان چند اور عبدالطیف انصاری کا انتخاب کیا گیا ہے، پنجاب سے اعتزاز احسن، ندیم افضل چن، بابراعوان اور نرگس جب کہ خیبرپختونخوا سے نورعالم خان اور خانزادہ خان کا انتخاب کیا گیا ہے۔
سابق وزیراعظم اور رہنما پیپلزپارٹی کا کہنا تھا کہ سینیٹ انتخابات کے لئے امیدواروں کا حتمی فیصلہ پارٹی مشاورت کے بعد کیا گیا ہے جبکہ پارٹی صدر مخدوم امین فہیم بیرون ملک علاج کی غرض سے گئے ہوئے ہیں اور ان کی اجازت سے سینیٹ امیدواروں کے ناموں کا اعلان کیا ہے۔