خیبر ایجنسی میں جیٹ طیاروں کی کارروائی میں 7 دہشت گرد ہلاک

دو روز قبل بھی وادی تیراہ میں کارروائی کے نتیجے میں 12 دہشت گرد ہلاک ہوگئے تھے ، فوٹو:فائل

---

وادی تیراہ میں جیٹ طیاروں کی کارروائی کے نتیجے میں 7 دہشت گرد ہلاک جبکہ ان کے کئی ٹھکانے تباہ ہوگئے ہیں۔

ایکسپریس نیوز کے مطابق جیٹ طیاروں نے مصدقہ اطلاعات پر خیبر ایجنسی کی وادی تیراہ کے مختلف علاقوں میں قائم کالعدم تنظیموں کے ٹھکانوں کو نشانہ بنایا، کارروائی کے دوران 7 دہشت گرد ہلاک اور 15 زخمی ہوگئے، کارروائی کے نتیجے میں دہشت گردوں کے 7 ٹھکانے بھی تباہ ہوگئے ہیں۔

واضح رہے کہ دو روز قبل بھی وادی تیراہ میں کارروائی کے نتیجے میں 12 دہشت گرد ہلاک ہوگئے تھے۔