یونس خان جلد ہی کھوئی ہوئی فارم حاصل کرلیں گے وقار یونس
وہ حفیظ کلیئر ہوجاتے تو ٹاپ آرڈر بیٹسمین کیساتھ ایک اسپنر بھی میسر آجاتا، ہیڈ کوچ قومی ٹیم
قومی ٹیم کے ہیڈ کوچ وقار یونس کا اب بھی یونس خان کی صلاحیتوں پر اعتبار باقی ہے اور وہ پر امید ہیں کہ تجربہ کار بلے باز جلد اپنی کھوئی ہوئی فارم واپس حاصل کر لیں گے۔
یاد رہے کہ محمد حفیظ کا بولنگ ایکشن غیر قانونی قرار پانے سے ٹیم کا توازن خراب ہوا، وہ اگر کلیئر ہوجاتے تو ٹاپ آرڈر بیٹسمین کیساتھ ایک اسپنر بھی میسر آجاتا لیکن ان فٹ ہوکر وطن واپس آچکے،اب ایک اضافی بیٹسمین شامل کریں تو ریگولر بولر کی کمی ہوجاتی ہے۔ بولر کو موقع دیا جائے تو بیٹنگ کمزور پڑجاتی ہے، یونس خان کے مسلسل ناکام ہونے سے بھی ٹیم کے مسائل میں اضافہ ہوا،وہ حالیہ ٹور میں مسلسل ناکام ثابت ہوئے ہیں۔