انگلش کاؤنٹی سمرسٹ نے رواں سال کیلیے پاکستانی لیفٹ آرم سیمر سہیل تنویر سے معاہدہ کرلیا۔

پاکستانی آل راؤنڈر ٹوئنٹی 20 ایونٹ کے دوران ایکشن میں دکھائی دیں گے، 30سالہ سہیل مختصر طرز کے170ڈومیسٹک اور42 انٹرنیشنل میچز میں حصہ لے چکے ہیں، ماضی میں انھوں نے ہیمپشائر کے لیے بھی میچز کھیلے، سمرسٹ کے ڈائریکٹر آف کرکٹ میتھیو مینارڈ نے کہا کہ سہیل تنویر ٹاپ بولر اور خطرناک لوئر آرڈر بیٹسمین ہیں، وہ ہماری ٹیم کیلیے کارآمد اضافہ ثابت ہوں گے۔