چیئرمین بورڈ کا کپتان کو فونہار کا خوف دل سے نکالنے کی تلقین

روایتی حریف کیخلاف مقابلہ ہمیشہ سخت ہوتا ہے لیکن گرین شرٹس کو خود پر اضافی دبائو سوار کرنے کے بجائے کھیل سے لطف اندوز ہونا چاہیے، شہریارخان۔ فوٹو: فائل

---

ISLAMABAD: چیئرمین پی سی بی شہریارخان نے ٹیم کو بھارت سے اہم میچ کے دوران شکست کا خوف دل سے نکالنے کی تلقین کردی۔

انھوں نے گذشتہ روز کپتان مصباح الحق کو ٹیلی فون کر کے ٹیم کیلیے نیک خواہشات کا اظہار کیا، شہریارخان نے کہا کہ روایتی حریف کیخلاف مقابلہ ہمیشہ سخت ہوتا ہے لیکن گرین شرٹس کو خود پر اضافی دبائو سوار کرنے کے بجائے کھیل سے لطف اندوز ہونا چاہیے، انھوں نے کہا کہ قوم کے ہرفرد کی طرح میں بھی ٹیم کی فتح کیلیے دعاگو ہوں۔ چیئرمین نے مصباح سے کہا کہ ٹیم یکجا ہوکر سوفیصد کارکردگی کا مظاہرہ کرے تو کامیابی قدم چومے گی۔