غالب مارکیٹ کے علاقے سے 50 سالہ خاتون کی لاش ملی ہے جس کی شناخت نہیں ہوسکی۔

پولیس کے مطابق لاہور کے علاقے غالب مارکیٹ سے نامعلوم خاتون کی لاش ملی جسے فوری پوسٹ مارٹم کے لیے اسپتال منتقل کردیا گیا ہے۔ پولیس کا کہنا ہےکہ خاتون کے بارے میں کوئی معلومات حاصل نہیں ہوسکی ہیں جس کے باعث اس کی شناخت بھی ممکن نہیں ہوئی جب کہ خاتون کے جسم پر بظاہر کوئی تشدد کے نشان نہیں تاہم اس کی ہلاکت سے متعلق مزید تفتیش جاری ہے اور متوفیہ کے ورثا کو بھی تلاش کیا جارہا ہے۔