میکسیکو میں ٹرین مسافر بس میں جا گھسی 20 افراد ہلاک اور 31 زخمی

حادثے کی ممکنہ وجہ بس میں گنجائش سے زیادہ مسافروں کا سوار ہونا ہوسکتا ہے، حکام، فوٹو : اے ایف پی

---

شمالی میکسیکو میں بس اور مال بردار ٹرین میں تصادم کے نتیجے میں 20 افراد ہلاک اور 31 زخمی ہوگئے۔

غیر ملکی خبررساں ادارے کے مطابق شمالی میکسیکو میں مال بردار ٹرین مسافر بس سے اس وقت جا ٹکرائی جب بس ریلوے ٹریفک کو کراس کرنے کی کوشش کررہی تھی، حادثے میں 20 افراد ہلاک اور 31 زخمی ہوگئے جنہیں فوری طبی امداد کے لیے قریبی اسپتال منتقل کردیا گیا جہاں بیشتر زخمیوں کی حالت تشویش ناک بتائی جاتی ہے۔

حکام کا کہنا ہے کہ حادثے کی ممکنہ وجہ بس میں گنجائش سے زیادہ مسافروں کا سوار ہونا ہوسکتا ہے جس کے باعث بس فوری طور پر ریلوے ٹریک کو عبور نہ کرسکی اور حادثہ پیش آیا تاہم حادثے کی مزید تحقیقات کی جارہی ہیں۔