کراچی میں پولیس کی کارروائی ٹارگٹ کلر ہلاک

ملزم کے قبضے سے اسلحہ و دیگر سامان بھی برآمد کیا گیا ہے،پولیس، فوٹو:فائل

---

پولیس نے اورنگی ٹاؤن میں کارروائی کے دوران پولیس اہلکاروں کے قتل میں ملوث ٹارگٹ کلر کو ہلاک کرنے کا دعویٰ کیا ہے۔

ایس ایس پی ویسٹ کے مطابق پولیس نے خفیہ اطلاع پر مومن آباد میں چھاپہ مارا جس پر علاقے میں چھپے ملزم نے پولیس ٹیم پر فائرنگ کردی جس کے بعد پولیس کی جوابی کارروائی میں ملزم ہلاک ہوگیا۔ ایس ایس پی کا کہنا تھا کہ ہلاک ہونے والے ملزم کی شناخت عمران عرف کٹنگ سے ہوئی ہے جو پولیس اہلکاروں سمیت دیگر افراد کی ٹارگٹ کلنگ اور منشیات فروشی میں ملوث تھا جب کہ ملزم کے قبضے سے اسلحہ و دیگر سامان بھی برآمد کیا گیا ہے۔