آرمی چیف نے تھیلیسیما کے مرض میں مبتلا بچے کی پاک فوج میں شمولیت کی خواہش پوری کردی

جنرل راحیل شریف نے ملکی دفاع کے لیے حوالے سے بچے کے جذبات کو بھی سراہا، فوٹو: آئی ایس پی آر

---

آرمی چیف جنرل راحیل شریف نے تھیلیسیمیا کے مرض میں مبتلا 17 سالہ بچے کی پاک فوج میں شمولیت کی خواہش پوری کردی۔

ترجمان پاک فوج کےمطابق تھیلیسیمیا کے مرض میں مبتلا 17 سالہ شعیب اورنگزیب نے خط کے ذریعے پاک فوج میں شمولیت کی خواہش کا اظہار کیا تھا جسے آرمی چیف جنرل راحیل شریف نے قبول کرلیا اور بچے کی ایک روز کے لیے پاک فوج میں شمولیت کی خواہش کو نہ صرف پورا کیا بلکہ اس سے ملاقات بھی کی۔

ترجمان کا کہنا تھا کہ آرمی چیف نے شعیب اورنگزیب سے اس کی صحت سے متعلق پوچھا اور ملکی دفاع کے حوالے سے اس کے جذبات کو بھی سراہا۔