ژوب سے اغوا ہونے والی انسداد پولیو ٹیم کے 4 ارکان کی لاشیں برآمد
4 لاشوں میں سے ایک کی شناخت انسداد پولیو ٹیم کے ڈرائیور جب کہ 2 کی لیویز اہل کاروں کے طور پرہوئی ہے
ژوب میں چند روز قبل انسداد پولیو مہم میں شامل رضاکار اور ایک سیکیورٹی اہلکار اغوا ہوگئے تھے فوٹو: فائل
DAVOS, SWITZERLAND:
تودہ کبزئی کے پہاڑی علاقے سے 3 روز قبل اغوا ہونے والی انسداد پولیو ٹیم کے 4 ارکان کی لاشیں مل گئیں۔
لیویز حکام کے مطابق ژوب کے علاقے تودہ کبزئی کی پہاڑیوں سے 4 افراد کی لاشیں ملیں جنہیں قریب سے گولیاں مار کر ہلاک کیا گیا تھا۔ لاشوں کو قریبی اسپتال منتقل کردیا گیا جہاں ان کی شناخت 3 روز قبل اغوا ہونے والی انسداد پولیو ٹیم میں شامل 2 سیکیورٹی اہلکاروں اور ایک ڈائیور کے طور پر ہوئی۔
واضح رہے کہ اسی علاقے سے 3 روز قبل 2 رضاکاروں سمیت انسداد پولیو ٹیم کے 5 افراد اغوا ہوگئے تھے جن کی بازیابی کے لئے سیکیورٹی فورسز کی جانب سے سرچ آپریشن کیا جارہا تھا۔