منیرہ شاکررکن قومی اسمبلی اوررفعت خان ایڈووکیٹ رکن سندھ اسمبلی منتخب

پیپلزپارٹی کی فرح نازاصفہانی اور ایم کیوایم کی نادیہ گبول کی جگہ نئے ارکان اسمبلی کاانتخاب کرلیاگیا۔

فرح نازاصفہانی کی جگہ پیپلزپارٹی نے منیرہ شاکرکو رکن قومی اسمبلی اورایم کیوایم نے نادیہ گبول کی جگہ رفعت خان ایڈووکیٹ کو رکن سندھ اسمبلی نامزد کردیا اور اس حوالے سے الیکشن کمیشن نے نوٹی فکیشن بھی جاری کردیا ہے۔


واضح رہے کہ سپریم کورٹ نے دہری شہریت سے متعلق فیصلے میں پیپلزپارٹی کی رکن قومی اسمبلی فرح نازاصفہانی اور ایم کیوایم کی رکن سندھ اسمبلی نادیہ گبول کو نااہل قراردے دیا تھا۔

الیکشن کمیشن نے دونوں ارکان کو پیپلزپارٹی اورایم کیوایم کی خواتین کی مخصوص نشستوں پرمنتخب قراردے کر نوٹی فکیشن جاری کردیا۔