سابق بی سی سی آئی چیف سری نواسن کے گرد قانون کا گھیرا مزید تنگ

بھارت میں بھارتی کرکٹ بورڈ کے سابق سربراہ سری نواسن کے خلاف آئی پی ایل کے نشریاتی حقوق کی فروخت میں خردبرد کے معاملے میں جواب طلب کرلیا ہے۔

غیر ملکی خبر رساں ادارے کی رپورٹ کے مطابق سری نواسن، آئی پی ایل کے سابق سربراہ للیت مودی اور دیگر افراد پر الزام ہے کہ انہوں نے 2009 میں آئی پی ایل کے نشریاتی حقوق فروخت کرکے کمیشن کی صورت میں 6 کروڑ90 لاکھ ڈالر وصول کئے۔ بھارتی ادارے کے اہلکار نے تصدیق کی ہے کہ سری نواسن، للیت مودی اور دیگر افراد کو نوٹس جاری کئے گئے ہیں جس میں ان سے نشریاتی حقوق کی فروخت کے سلسلے میں جواب طلب کیا گیا ہے۔

واضح رہے کہ بھارتی سپریم کورٹ نے اسپاٹ فکسنگ اسکینڈل کے باعث سری نواسن کو بی سی سی آئی کی صدارت سے سبکدوش کردیا تھا جبکہ للیت مودی پر بھی مالی بے ضابطگیوں کے الزام میں کبھی کوئی سرکاری عہدہ حاصل کرنے پر پابندی ہے۔