سرگودھا میں رشتہ کے تنازع پر 2 خواتین سمیت 3 افراد قتل

ملزم کی گرفتاری کے لئے کارروائی کا آغاز کردیا ہے، پولیس۔ فوٹو: فائل

---

چاؤوال میں رشتے کے تنازع پر فائرنگ کر کے 2 خواتین سمیت 3 افراد قتل جب کہ 2 افراد کو زخمی کر دیا گیا۔

پولیس حکام کا کہنا ہے کہ سرگودھا کے نواحی علاقے چاؤ وال میں ظفر اقبال نامی شخص نے ایک گھر میں گھس کر اندھا دھند فائرنگ کر دی جس کے نتیجے میں 2 خواتین سمیت 3 افراد جاں بحق جب کہ 2 افراد زخمی ہو گئے۔ جاں بحق ہونے والوں کی شناخت محمد اصغر، ر سولاں بی بی اور مسرت کے ناموں سے ہوئی ہے۔

پولیس کا کہنا ہے کہ فائرنگ کا واقعہ ابتدائی طور پر رشتہ کا تنازع معلوم ہوتا ہے تاہم مقدمہ درج کر کے ملزم کی گرفتاری کے لئے کارروائی کا آغاز کردیا ہے۔