پی سی بی اینٹی کرپشن یونٹ کی ہاٹ لائن ٹھنڈی پڑ گئی

پی سی بی کی جانب سے جاری کیا جانیوالا فون نمبر 3037850000 مسلسل بند جارہا ہے

Sports Reporter February 20, 2015

پی سی بی کی جانب سے جاری کیا جانیوالا فون نمبر 3037850000 مسلسل بند جارہا ہے۔ فوٹو: فائل

پی سی بی اینٹی کرپشن یونٹ کی ہاٹ لائن ٹھنڈی پڑ گئی۔

اسپاٹ اور میچ فکسنگ کے واقعات بڑھنے کے بعد آئی سی سی کی جانب سے ہر ملک کے کرکٹ بورڈ کو کھیل میں بد عنوانی روکنے کیلیے ٹھوس اقدامات اٹھانے کا پابند کیا گیا ہے۔ ان میں سے ایک ایسی ہاٹ لائن کا متعارف کرانا بھی ہے جہاں کھلاڑی کسی بھی مشکوک شخص کے رابطہ کرنے یا کوئی منفی سرگرمی نظر آنے پر اطلاع کرسکیں، مگر پی سی بی کی جانب سے جاری کیا جانیوالا فون نمبر 3037850000 مسلسل بند جارہا ہے،سینئر جنرل منیجر ویجیلنس کرنل اعظم اس وقت ورلڈکپ میں شریک قومی ٹیم کے ہمراہ ہیں۔

یاد رہے کہ پی سی بی کے اینٹی کرپشن یونٹ کا سالانہ خرچ 80 لاکھ کے قریب ہے،گذشتہ دنوں پینٹنگولر کپ کے دوران بھی پلیئرز کو رپورٹ کرنے کی سہولت میسر نہیں رہی۔