بنگال ٹائیگرز نے کینگروز کوبھی پچھاڑنے کے خواب دیکھنا شروع کردیے

آسٹریلیا کے ساتھ مقابلہ آسان نہیں ہوگا لیکن شکست دینا ناممکن بھی نہیں ہے، مشفیق الرحیم۔ فوٹو : ایکسپریس

---

افغانستان کو زیر کرنے کے بعد بنگال ٹائیگرز نے کینگروز کو بھی پچھاڑنے کے خواب دیکھنا شروع کردیے۔

ان کا آسٹریلیا سے مقابلہ ہفتے کو برسبین میں ہونا ہے۔ سینئر بیٹسمین مشفیق الرحیم نے کہا کہ اس وقت آسٹریلیا نمبر ون ٹیم ہے، ان کے ساتھ مقابلہ آسان نہیں ہوگا لیکن شکست دینا ناممکن بھی نہیں ہے، انھوں نے کہا کہ ون ڈے میں کوئی بھی اپنے اچھے دن میں جیت سکتا ہے، آئرلینڈ نے ویسٹ انڈیز کو 40 بالز پہلے پچھاڑ دیا، اگر ہم اپنی پوری توانائیوں سے کھیلے تو یہ کارنامہ انجام دے سکتے ہیں۔