بھارتی ٹیم کے نخروں سے میڈیا نمائندوں کی فوج تنگ آگئی

پاکستان ٹیم کے خلاف فتح پر کپتان دھونی نے میڈیا سے بات کی تھی، اس کے بعد سے کوئی بھی سامنے نہیں آیا۔ فوٹو: رائٹرز/ فائل

---

بھارتی ٹیم کے نخروں سے اپنے ملک سے آنے والی میڈیا نمائندوں کی فوج تنگ آگئی۔

میگا ایونٹ کی کوریج کے لیے بھارت سے بہت بڑی تعداد میں صحافی آسٹریلیا پہنچے لیکن کھلاڑی میڈیا سے بات چیت کرنے کو تیار ہی نہیں، پاکستان ٹیم کے خلاف فتح پر کپتان دھونی نے میڈیا سے بات کی تھی، اس کے بعد سے کوئی بھی سامنے نہیں آیا۔ صحافیوں کا کہنا ہے کہ ٹیم کو اپنے ہی میڈیا پر اعتبار نہیں اس لیے کھلاڑیوں سے بات چیت نہیں کرنے دی جا رہی۔