یکم مارچ سے پٹرولیم مصنوعات کی قیمتوں میں اضافے کا امکان

عالمی مارکیٹ میں خام تیل کی قیمتوں میں کمی کے باعث گزشتہ 7 ماہ سے ملک میں پٹرولیم مصنوعات کی قیمتوں میں مسلسل کمی ہورہی تھی۔ فوٹو: فائل

---

عالمی منڈی میں تیل کی قیمتوں میں اضافے کے بعد یکم مارچ سے پٹرولیم مصنوعات کی قیمتوں میں ساڑھے 4 روپے فی لیٹر اضافے کا امکان ہے۔

عالمی منڈی میں اضافے اور جی ایس ٹی کی شرح بڑھانے کے باعث یکم مارچ سے پٹرول کی قیمت میں 3 روپے 97 پیسے فی لیٹر ، ہائی آکٹین کی قیمت میں 4.50 روپے، لائٹ ڈیزل کی قیمت میں 2 روپے61 پیسے اور مٹی کا تیل 2 روپے 67 پیسے فی لیٹر مہنگا ہوسکتا ہے۔

واضح رہے کہ عالمی مارکیٹ میں خام تیل کی قیمتوں میں کمی کے باعث گزشتہ 7 ماہ سے ملک میں پٹرولیم مصنوعات کی قیمتوں میں مسلسل کمی ہورہی تھی۔