بالی وڈ اسٹار نصیرالدین شاہ اہلیہ اور بیٹی کے ساتھ لاہور پہنچ گئے

نصیرالدین شاہ الحمرا آرٹس کونسل میں اپنی آٹو بائیو گرافی کے حوالے سے اظہارخیال کریں گے۔ فوٹو: فائل

---

KARACHI: بالی وڈ اسٹار نصیرالدین شاہ 5 روزہ دورے پر لاہور پہنچ گئے۔

نصیرالدین شاہ فیض فاؤنڈیشن ٹرسٹ اور فیض گھر کی دعوت پر لاہور لٹریری فیسٹیول میں شرکت کیلیے اپنی اہلیہ رتنا شاہ اور بیٹی حبا شاہ کے ہمراہ گزشتہ روز لاہور پہنچ گئے ہیں۔

وہ آج الحمرا لاہور آرٹس کونسل میں اپنی آٹو بائیو گرافی کے حوالے سے اظہارخیال کریں گے۔ انتظامیہ نے سیکیورٹی انتظامات کو سخت کرتے ہوئے آرٹس کونسل کو چاروں اطراف سے ٹینٹ لگا کر بند کر دیا جبکہ آنے جانیوالے راستے پر واک تھرو گیٹ لگانے کے ساتھ پولیس کی بھاری نفری بھی تعینات کر دی گئی ہے، نصیر الدین شاہ اس سے قبل بھی متعدد مرتبہ لاہور آچکے ہیں مگر حسب روایت انہیں میڈیا کی نظروں سے دور رکھا جا رہا ہے۔