پولیس نے کورنگی میں کارروائی کرتے ہوئے ٹارگٹ کلنگ سمیت دیگر سنگین وارداتوں میں ملوث 11 غیر ملکیوں سمیت 15 ملزمان کو گرفتار کرلیا۔

ایکسپریس نیوز کے مطابق پولیس نے کراچی کے علاقے کورنگی کے مختلف مقامات پر کارروائی کے دوران 11 غیر ملکیوں سمیت 15 ملزمان کو گرفتار کرلیا۔ ایس ایس پی کورنگی جنید شیخ کے مطابق گرفتار ملزمان میں پولیس اہلکاروں کی ٹارگٹ کلنگ میں ملوث دو ملزمان بھی شامل ہیں جب کہ دیگر ملزمان جرائم کی سنگین وارداتوں میں ملوث ہیں اور ان کے قبضے سے اسلحہ اور دیگر سامان بھی برآمد ہواہے۔