لاہور ہائیکورٹ نے شہریار خان اور نجم سیٹھی کی برطرفی سے متعلق درخواست نمٹادی

ہائی کورٹ نے چیرمین پی سی بی شہریار خان اور نجم سیٹھی کو برطرف کرنے سے متعلق درخواست نمٹادی۔


چیرمین پی سی بی کو برطرف کرنے سے متعلق دائر درخواست کی سماعت لاہور ہائی کورٹ میں ہوئی، دوران سماعت درخواست گزار نے کہا کہ ورلڈ کپ میں قومی ٹیم کی انتہائی ناقص کارکردگی پر چیرمین شہریار خان اور نجم سیٹھی کو برطرف کیا جائے جس پر پی سی بی کے وکیل نے دلائل دیتے ہوئے مؤقف اختیار کیا کہ ایسے معاملات کے لئے کرکٹ بورڈ کا شکایتی سیل موجود ہے لہٰذا درخواست گزار وہاں رجوع کریں، عدالت نے دونوں فریقین کے دلائل سننے کے بعد درخواست گزار کو متعلقہ شکایتی کمیٹی سے رجوع کرنے کی ہدایت کرتے ہوئے درخواست نمٹادی۔