کراچی میں فائرنگ سے اہلسنت والجماعت کے ضلعی صدر جاں بحق

فائرنگ سے اہل سنت والجماعت کے دو کارکن بھی زخمی ہوئے، فوٹو:فائل

---

کورنگی میں فائرنگ سے اہلسنت والجماعت کے ضلعی صدر جاں بحق ہوگئے۔

ایکسپریس نیوز کے مطابق کراچی کےعلاقے کورنگی میں نامعلوم مسلح ملزمان نے اندھا دھند فائرنگ کردی جس کے نتیجے میں ایک شخص جاں بحق جب کہ 2 دوافراد زخمی ہوگئے۔ ترجمان اہل سنت والجماعت کے مطابق فائرنگ سے جاں بحق ہونے والے شبیر احمد اہل سنت والجماعت کورنگی کے ضلعی صدر تھے جب کہ زخمی دو افراد بھی کارکن ہیں۔

دوسری جانب اہلسنت والجماعت کے رہنما مولانا اورنگزیب فاروقی نے واقعے کی شدید مذمت کرتے ہوئے کہا ہے کہ ہمیں مسلسل دہشت گردی کانشانہ بنایا جارہا ہے لیکن حکومت کوئی کارروائی نہیں کررہی ہے۔