سعید اجمل کا ووسٹر شائر کاؤنٹی سے معاہدہ

ووسٹرشائر کا حصہ ہونے پر فخر اور خوشی ہے کہ تیسری مرتبہ واپس آنیوالا ہوں، سعید اجمل

Sports Desk February 25, 2015

یقین دلاتا ہوں کہ انھوں نے مجھ پر جو اعتماد کیا اس کا بھرپور صلہ دونگا، جادوگر اسپنر۔ فوٹو: فائل

ورلڈکپ کھیلنے میں عدم دلچسپی کے باوجود پاکستانی اسپنر سعید اجمل جلد از جلد بولنگ ایکشن کلیئر کرانے کیلیے بے چین تھے اور ان کا مقصد انگلش کاؤنٹی ووسٹر شائر سے معاہدہ تھا جو اب پورا ہوگیا۔

سعید اجمل کا کہنا تھا کہ مجھے ووسٹرشائر کا حصہ ہونے پر فخر اور خوشی ہے کہ تیسری مرتبہ واپس آنیوالا ہوں، میں نے گذشتہ کچھ عرصہ بڑی مشکل میں گزارا مگر اس دوران مجھے نہ صرف پاکستان بلکہ ووسٹرشائر کی بھی سپورٹ حاصل رہی۔ ان کا کہنا تھا کہ یقین دلاتا ہوں ووسٹر شائر نے مجھ پر جو اعتماد کیا اس کا بھرپور صلہ دوں گا۔

واضح رہے کہ 37 سالہ بولر نے حال ہی میں بولنگ ایکشن میں تبدیلی کے بعد آئی سی سی سے کلیئرنس حاصل کی ہے اور انھوں نے گذشتہ سیزن میں ٹیم کی کاؤنٹی چیمپئن شپ کے فرسٹ ڈویژن میں ترقی میں اہم کردار ادا کیا تھا۔