ٹریفک حادثے میں 2 افراد جاں بحق

مختلف حادثات و واقعات میں بچے سمیت 2 افراد جاں بحق ہو گئے۔۔ فوٹو: فائل

---

ٹنڈو محمد خان کے قریب ٹریفک حادثے میں 2افراد جاں بحق جبکہ 3 زخمی ہوگئے۔

تفصیلات کے مطابق سومرا برادری کے افراد جمعہ کی شب کار میں سجاول میں اپنے ایک قریبی عزیز کی تدفین میں شرکت کرکے واپس ٹنڈو محمد خان آرہے تھے کہ ان کی کار ٹنڈو محمد خان کے قریب سڑک کے کنارے اندھیرے میں کھڑے ٹریکٹر ٹرالی سے ٹکرا گئی۔

جس کے نتیجے میں کار میں سوار میر پور خاص کے رہائشی محمد سومار اور سومرا محلہ ٹنڈو محمد خان کے رہائشی حافظ مصیب سومرو موقع پرہی جاںبحق ہوگئے جبکہ محمد یوسف سومرو،امیر سومرو اور کار ڈرائیور فیاض منگنھار زخمی ہوگئے۔