پاپ اسٹار میڈونا پرفارمنس کے دوران اسٹیج سے گر پڑیں

واقعے کے بعد میڈونا نے فوری طور پر خود کو سنبھلا اور اسٹیج پر آکر اپنا گانا مکمل کیا۔ فوٹو: بی بی سی

---

فنکاروں کے پرفارمنس کے دوران زمین بوس ہونے کے کئی واقعات پہلے بھی رونما ہوچکے ہیں لیکن اس بار ایسا واقعہ پاپ اسٹار میڈونا کے ساتھ پیش آیا جو ایک ایوارڈ تقریب کے دوران پرفارم کرتے ہوئے اچانک اسٹیج کی سیڑھیوں سے گر پڑیں۔

میڈیا رپورٹس کے مطابق تقریب میں پرفارمنس کے دوران میڈونا معمول کے مطابق اپنا چوغہ اتار رہی تھیں لیکن اس دوران وہ اپنا توازن برقرار نہ رکھ سکیں اور کمر کے بل اسٹیج کی سیڑھیوں سے لڑکھڑا کر نیچے آ گریں تاہم موقع کی نزاکت کو دیکھتے ہوئے انہوں نے فوری طور پر خود کو سنبھالا اور اسٹیج پر آکر اپنا گانا مکمل کیا۔ واقعے کے بعد مداحوں کو پیغام دیتے ہوئے میڈونا کا کہنا تھا کہ وہ مکمل طور پر فٹ ہیں اور کوئی بھی چیز انہیں گانے سے نہیں روک سکتی۔

واضح رہے کہ امریکا سے تعلق رکھنے والی پاپ گلوکارہ اداکاری کے میدان میں بھی اپنے جوہر دکھا چکی ہیں۔