کراچی کے علاقے گلشن اقبال میں آگ لگنے سے درجنوں جھونپڑیاں جل کر خاکستر

لوگوں نے اپنی مدد آپ کے تحت جھگیوں میں موجود لوگوں کو محفوظ مقام پر منتقل کردیا۔ فوٹو: ایکسپریس نیوز

---

بیت المکرم مسجد کے قریب عزیز بھٹی تھانے کے عقب میں رہائشی جھگیوں میں آتشزدگی سے متعدد جھونپڑیاں جل کر خاکستر ہوگئیں۔

ایکسپریس نیوز کے مطابق گلشن اقبال کے علاقے میں واقع عزیز بھٹی تھانے کے عقب میں موجود ایک جھونپڑی میں اچانک آگ بھڑک اٹھی جس نے دیکھتے ہی دیکھتے کئی جھونپڑیوں کو اپنی لپیٹ میں لے لیا، آگ بجھانے کے لئے فائر بریگیڈ کے عملے کو طلب کیا گیا جو ایکسپو سینٹر کی سیکیورٹی کے باعث راستے بند ہونے کی وجہ سے تاخیر سے پہنچا اور آگ پر قابو پانے کی کوششیں شروع کردیں جب کہ لوگوں نے اپنی مدد آپ کے تحت جھگیوں میں موجود لوگوں کو محفوظ مقام پر منتقل کردیا۔