جمعیت کے تحت یوم تکریم اساتذہ منایا گیا

اسلامی جمعیت طلبہ کے تحت گذشتہ روز یوم تکریم اساتذہ منایا گیا جس میں کالجز وجامعات میں اساتذہ اکرام کو تحائف،پھول ،گلدستے، ظہرانے کے علاوہ مختلف تقاریب کا اہتمام کیاگیا۔


معاشرے و طلبا میں رہائشی علاقہ جات و حلقہ جات کے تحت اساتذہ کرام کی تکریم وتعظیم ، اہمیت و مقام کوصحیح معنوں میں اجاگر کرنے کیلیے لیکچرز،گروپ ڈسکشن اور دیگر پروگراموں کا بھی انعقاد کیا گیا، یوم تکریم اساتذہ پر جامعہ کراچی کے اساتذہ کرام سے خصوصی ملاقاتیں کی گئیں جبکہ وائس چانسلر ڈاکٹر محمد قیصرکو ناظم جمعیت جامعہ کراچی عبداﷲ جاوید نے گلدستہ بھی پیش کیا۔