آئندہ ہفتے مقدمات کی سماعت کے لئے سپریم کورٹ کے 5 بینچ تشکیل
چیف جسٹس کی جانب سے تشکیل دیئے گئے 5 بینچز میں سے 4 اسلام آباد جب کہ ایک بینچ پشاور رجسٹری میں مقدمات کی سماعت کرے گا۔
رواں ہفتے سپریم کورٹ میں اصغر خان کیس، وزیراعظم کے صوابدیدی فنڈز کے استعمال اور بلوچستان کے لاپتہ افراد سے مقدمات کی سماعت ہوگی ۔ فوٹو: فائل
چیف جسٹس آف پاکستان جسٹس ناصر الملک نے آئندہ ہفتے زیر سماعت مقدمات کے لئے 5 بینچ تشکیل دے دیئے ہیں۔
چیف جسٹس آف پاکستان جسٹس ناصر الملک کی جانب سے تشکیل دیئے گئے 5 بینچز میں سے 4 اسلام آباد جب کہ ایک پشاور رجسٹری میں مقدمات کی سماعت کرے گا۔ اسلام آباد میں سماعت کرنے والا پہلا بینچ چیف جسٹس ناصر الملک، جسٹس امیر ہانی مسلم اور جسٹس اعجاز احمد چوہدری پر مشتمل ہے، دوسرا بینچ جسٹس جواد ایس خواجہ،جسٹس سرمد جلال عثمانی اور جسٹس مقبول حسین باقر پر مشتمل ہے جو اصغر خان کیس کے فیصلے خلاف اسد درانی مرزا اور اسلم بیگ سمیت دیگر کی اپیلوں، وزیراعظم کے صوابدیدی فنڈز کے استعمال اور بلوچستان کے لاپتہ افراد اور اجتماعی قبروں کی دریافت سے متعلق درخواست کی سماعت کرے گا۔
سپریم کورٹ کا تیسرا بینچ جسٹس آصف سعید خان کھوسہ،جسٹس مشیرعالم اور جسٹس دوست محمد خان پر مشتمل ہے جو کہ سابق وزیر اعظم راجہ پرویز اشرف کے خلاف مولوی اقبال حیدر کی طرف سے دائر توہین عدالت کی درخواست کی سماعت کرےگا،عدالت عظمیٰ کا چوتھا بینچ جسٹس اعجاز افضل خان اور جسٹس قاضی فائز عیسی پر مشتمل ہے۔ پشاور رجسٹری میں مقدمات کی سماعت کرنے والا ڈویژن بینچ جسٹس انورظہیر جمالی اور جسٹس شیخ عظمت پر مشتمل ہے۔
چیف جسٹس آف پاکستان جسٹس ناصر الملک کی جانب سے تشکیل دیئے گئے 5 بینچز میں سے 4 اسلام آباد جب کہ ایک پشاور رجسٹری میں مقدمات کی سماعت کرے گا۔ اسلام آباد میں سماعت کرنے والا پہلا بینچ چیف جسٹس ناصر الملک، جسٹس امیر ہانی مسلم اور جسٹس اعجاز احمد چوہدری پر مشتمل ہے، دوسرا بینچ جسٹس جواد ایس خواجہ،جسٹس سرمد جلال عثمانی اور جسٹس مقبول حسین باقر پر مشتمل ہے جو اصغر خان کیس کے فیصلے خلاف اسد درانی مرزا اور اسلم بیگ سمیت دیگر کی اپیلوں، وزیراعظم کے صوابدیدی فنڈز کے استعمال اور بلوچستان کے لاپتہ افراد اور اجتماعی قبروں کی دریافت سے متعلق درخواست کی سماعت کرے گا۔
سپریم کورٹ کا تیسرا بینچ جسٹس آصف سعید خان کھوسہ،جسٹس مشیرعالم اور جسٹس دوست محمد خان پر مشتمل ہے جو کہ سابق وزیر اعظم راجہ پرویز اشرف کے خلاف مولوی اقبال حیدر کی طرف سے دائر توہین عدالت کی درخواست کی سماعت کرےگا،عدالت عظمیٰ کا چوتھا بینچ جسٹس اعجاز افضل خان اور جسٹس قاضی فائز عیسی پر مشتمل ہے۔ پشاور رجسٹری میں مقدمات کی سماعت کرنے والا ڈویژن بینچ جسٹس انورظہیر جمالی اور جسٹس شیخ عظمت پر مشتمل ہے۔