ممبر سائنس اینڈ ٹیکنالوجی پلاننگ کمیشن ڈاکٹر ثمر مبارک مند نے کہا ہے کہ تھرکول منصوبے کی کامیابی سے ملک میں سستی بجلی کی فراہمی ممکن ہو گی اور قیمتی زرمبادلہ بھی بچایا جا سکے گا۔

حکومت نے منصوبے کے لیے 90کروڑ روپے بھی جاری کر دیے ہیں۔ ایک بیان میں انھوں نے کہا کہ بجلی کی پیداوار میں اضافے کے لیے حکومت کو فرنس آ ئل کی درآمدات پر بھاری رقم خرچ کرنا پڑتی ہے، کوئلے کے ذخائر سے استفادہ کر کے معاشی ترقی کی رفتار کو تیز کیا جا سکتا ہے۔ پاکستان کوئلے کے ذخائر کے اعتبار سے دنیا کا چھٹا بڑا ملک ہے۔ انھوں نے کہا کہ تھرکول منصوبے کی کامیابی کے لئے صوبائی حکومت کے ساتھ ساتھ بین الاقوامی اداروں کی بھی معاونت حاصل ہے۔